ትምህርቲ ኖሎት

ብዲ/ን ፅጋቡ ወልዱ

(መቅረዝ ዘተዋሕዶ፣ ታሕሳስ ፳፮፣ ፳፻፮ ዓ.ም. ግእዝ)፡- በስመ አብ ወወልድ ወመንፈስ ቅደስ ፩ አምላክ

 ነገራት በብጊዜኦም ከፋፋሊት፣ ከም ውሕሉል ከሻኒ ምግቢ በብመልክዕ ንሐንጎልና ብዝምጥን መንፈሳዊን እዋናውን አስተምህሮ ምምሃር ልማዳ ዝኾነ ቅድስቲ ቤተክርስቲያን በብሰሙኑ ነናይ ባዕሎም ትምህርቲ ሰናብቲ እትውንን ተመርሚራ ዘይትውዲእ ቤተክርስቲያን እያ፡፡

ኣብ ዝሓለፈ ሰሙን ፅልመት ዓለም ዘወገድ ሐቀኛ ብርሃን ነብያት ተስፋ እንዳገበርዎ ከምዝነበሩን ፅልመት ዓለም ንከወግድ ከምዝመፀ ብሐፂሩ ተመልኪትና ነይርና፡፡ ሎሚ ድማ ቅድሚ ልደት ካብ ዘለው ሰለስተ ሰናብቲ እቲ ሳልሳይ ማለት እውን ኖሊዊ ተባሂለ ስለእትፍለጥ ሰሙን ክንመሃሃር ኢና፡፡